«Հրազդանի էներգետիկ կազմակերպություն (ՀրազՋԷԿ)» բաց բաժնետիրական ընկերությունում 2025 թվականի հուլիսի 30-ին անցկացվեց «Օդային տագնապ» ազդարարման ազդանշանի ուսումնական վարժանք` համաձայն հաստատված պլանի։
1 Օգոստոս, 2025«Հրազդանի էներգետիկ կազմակերպություն (ՀրազՋԷԿ)» բաց բաժնետիրական ընկերությունում 2025 թվականի հուլիսի 30-ին անցկացվեց «Օդային տագնապ» ազդարարման ազդանշանի ուսումնական վարժանք` համաձայն հաստատված պլանի։
«Օդային տագնապ» ազդարարման ազդանշանի ժամանակ Ընկերության աշխատակիցների գիտելիքների գնահատման, օդային հարձակման դեպքում վարվելակերպի կանոնների կիրառման միջոցառումները ներառում էին հետևյալ գործողությունները.
- Արտադրական տարածքներում` դադարեցնելու բոլոր տեսակի աշխատանքները, անջատելու արտադրական և տեխնոլոգիական բոլոր սարքավորումները, գազամատակարարումն ու էլեկտրասնուցումը, իջեցնելու սարքվորումներում օդի, գազի, ջրի, թթվածնի և այլ նյութերի բարձր ճնշումը, որից հետո` պատսպարվելու ապաստարանում:
- Արտադրության և այլ տեխնոլոգիական գործընթացների պայմաններով սահմանված աշխատանքների դադարեցման անհնարինության դեպքում` տեխնոլոգիական գծերը, վառարանները, տուրբինները բերելու անվտանգ աշխատակարգի և պատսպարվելու ապաստարանում։
- Ընկերությունում և հասարակական շենք-շինություններում գտնվելու դեպքում ուշադիր և հանգիստ լսելու համապատասխան հրահանգը մոտակա ապաստարանի տեղակայման և դրան հասնելու կարճ երթուղու մասին, արագ` առանց խուճապի, շարժվելու նշված երթուղով և պատսպարվելու ապաստարանում:
Վարժանքը կազմակերպել էր Հրազդանի էներգետիկ կազմակերպություն (ՀրազՋԷԿ)» բաց բաժնետիրական ընկերության քաղպաշտպանության շտաբը, որին մասնակցում էին Ընկերության աշխատակիցները և ՀՀ ՆԳՆ ոստիկանության պետական պահպանության գլխավոր վարչության Կոտայքի պահպանության բաժնի ոստիկանության վաշտի, ՀՀ ՆԳՆ փրկարար ծառայության Կոտայքի մարզային վարչության «ՀրազՋԷԿ» ԲԲԸ-ի փրկարար ջոկատի աշխատակիցները: Վարժանքն անցավ արդյունավետ և ուսումնական մթնոլորտում։
